O venres pasado vivimos unha mañá chea de emocións. Todo comezou co roubo das esencias das emocións... O xoves viñeron uns investigadores ao cole e contáronnos que as emocións desapareceran😱
Despois de ver o vídeo propuxéronnos converternos en detectives por un día e axudarlles a atopar os botes coas esencias. Nos aceptamos encantados e o venres pasamos o día facendo probas e resolvendo misterios.
Ó final da mañá descubrimos onde esconderan as esencias e así as emocións volverán a formar parte das nosas vidas. Pasámolo xenial e desde agora somos membros da axencia de detectives ALENTA.
