Día das Letras Galegas

 Este ano o día das letras galegas está dedicado a Begoña Caamaño. As nenas e nenos do cole que tocan a pandeireta dedicáronlle unhas pezas na súa honra.

Que ben o fixeron!

Charla dentista

 Cusco tróuxonos a unha amiga dentista para que nos explicara moi ben como temos que coidar os nosos dentes. Agora cando teñamos que ir ao dentista xa non nos vai dar tanto medo.

Ademais, trouxo agasallos para todos. Moitas grazas!

Raposadas

 
Para celebrar o día do libro saímos ata a casa da cultura a ver a obra teatral “As raposadas”.

Cantamos, fixemos sons e rimos moito ca raposa e as súas andanzas.

Día Do Libro

 Para conmemorar o Día do Libro entre todos fixemos un gran mural cos planetas e os protagonistas do libro “Os planetas” que estivemos a ler e escoitar.

Ademais tivemos a visita de José Antonio Abad, autor do libro que nos dedicou e firmou a cada un de nós o noso exemplar.

POLO DÍA DA INFANCIA... ANA MEILÁN!

 Catro ratiños amigos de Cusco viñeron visitarnos hoxe, no noso día especial. Con Ana Meilán a ilusión, a maxia e a diversión están aseguradas. Que máis se pode pedir?

Graciñas á ANPA por este agasallo.

CONTACONTOS CON BEA CAMPOS

Unha orixinal versión de Riciños de ouro, un Cucú-tras cantado e Tío Lobo foron as historias coas que Bea Campos nos fixo desfrutar da lectura e das historias ben contadas. Fantástico!

Graciñas á Biblioteca Municipal da Capela por convidarnos. 

👏

24 DE OUTUBRO - DÍA DAS BIBLIOTECAS

Como cada outubro, Cusco xa nos ten afeitos a celebrar este día ao grande. Houbo de todo: concurso exposición de deseños para atoparlle axudante, agasallos varios (entre deles, a súa famosa galletiña) e unha xenial actividade multinivel coa que nos divertimos e aprendemos a partes iguais. 

Para coñecer máis sobre esta xornada, visitade o blog da biblioteca de Cusco (facede clic aquí). En breve estará actualizado. 

🐭📖👏

VISITA DE PAULA CARBALLEIRA

Hoxe tivemos unha ansiada visita: Paula Carballeira, a autora do libro que tanto nos gustou ler e comentar en conxunto na aula, "A tartaruga Amodovou". 

Disfrutamos moito coas historias que nos contou e axiña nos cautivou coa súa extraordinaria forma de narralas e de facernos formar parte delas. Ademais, asinou cada un dos nosos libros con dedicatoria incluída. Que ilusión! 

Pola nosa parte, ensinámoslle o traballiño que fixemos entre todo o alumnado do colexio, unha pequena historia dramatizada a partir das personaxes das obras escollidas por Cusco. E cremos que lle encantou! No blog da Biblio poderedes saber máis sobre este día, lembrade pasarvos por alí. 

Foi unha xornada estupenda. 

Gracias, Paula! 👏

DÍA DO LIBRO

No día do libro disfrutamos da actuación de Leo Leíño "Maxia tola e lectora".  Graciñas á Biblioteca Municipal da Capela pola invitación. Gustounos moito!

DÍA DAS BIBLIOTECAS!

Non foi un 24 de outubro calquera, este curso... Inauguramos a NOVA Biblioteca de Cusco! 👏 Gustounos moito este espazo que de seguro imos usar acotío.

Cusco presentounos un novo proxecto, Capelarte, co que imos aprender moito sobre diferentes disciplinas artísticas. De entrada, xa nos propuxo un reto: atopar 100 parrulos que andan escondidos polo cole para completar un álbum artístico 🦆 Teremos que andar con ollo! 

Ademais, revelounos os/as finalistas do concurso Camisarte e a camiseta que elixiu finalmente para este día especial: a deseñada pola nosa compañeira. Noraboa! 

Por suposto, non faltou a galleta tan riquiña á que nos ten afeitos. 😋

Se queredes coñecer máis detalles sobre esta xornada, entrade no blog da biblio!

VISITA DE ESTEFANÍA PADULLÉS - Día do libro 2024

 Como xa vos anunciou Cusco no seu blog, este venres visitounos a ilustradora e escritora Estefanía Padullés. Foi moi interesante coñecer un pouco máis sobre o seu traballo e o proceso de creación de "Leopoldo, o pequeno monstro", o libro que tanto nos gustou. 

Podedes entrar no blog da biblioteca de Cusco para saber máis sobre esta xornada tan especial.

👏📖

DIA DAS BIBLIOTECAS

 Celebrar o 24 de outubro no noso cole xa é toda unha tradición. Visitade o blog de Cusco 🐭para coñecer como foi o Día das Bibliotecas, pero podemos ir adiantando que as galletas estaban riquísimas e que na nosa clase temos dous finalistas para o concurso - exposición dos slogans de lectura 👏