Un curso máis, celebramos o Día do Peón da mellor maneira posible: cantando, bailando e xogando!
Logo de escoitar o pregón a cargo dos compis de 6º, soou a canción "Fago o camiño" (do grupo Ourensóns) proposta por Brinquedia. Podedes escoitala de novo facendo clic aquí.
Deseguida fixemos o noso tradicional lanzamento colectivo de buxainas. Nós eliximos probar coas que nos enviaron os/as nenos/as do colexio de Cabanas.
Agardamos que a eles tamén lles gustaran as nosas!
Despois pasámolo xenial xogando á rá, cos zancos, ao pano e por suposto, a bailar o peón!
Foi unha xornada estupenda, que rematamos cunhas galletas en forma de peón no comedor. 👏